如何增加小朋友對閱讀嘅興趣?

如何增加小朋友對閱讀嘅興趣?

自制主題圖書角

閲讀嘅習慣對小朋友好重要,相信各媽媽都好認同。但係點樣將呢個習慣持之以恆同變得有趣味呢?我可以分享吓我嘅方法。

我覺得每月或者每兩個月設計一個唔同主題嘅圖書角係幾有趣味性嘅。點樣開始呢,其實非常簡單,只需要一個小朋友展示型書架。市面上有好多,有大有小嘅,有可移動亦有裝喺牆,但最重要係書本可以打橫排列而看到封面就可。如果媽媽們唔想買咁大個書架,宜家傢私有一個小型亦可用手提起的亦非常好。點解要展示型書架呢,因為方便小朋友按封面揀書,亦可以清楚看到這個月嘅書本主題。

有書架就要準備圖書啦,各媽媽家中一定已用各類小朋友圖書,但係未必全部符合該月你所設定的主題。除咗買或者朋友轉贈外,我更主張到公共圖書館借回家。每張圖書證可借八本圖書,可借 14 天,而續借亦非常方便。你地亦可以為寶寶申請埋圖書証。我每個月設好主題後,就帶寶寶到圖書館一起找跟主題有關嘅圖書,已經係極好又不用花費嘅親子活動。每一次去完圖書館,寶寶媽跟寶寶各自托住一大疊圖書回家,滿戴而歸,大家都好開心㗎。

番到屋企,一齊將圖書排列好,該月份嘅圖書月就正式開始啦!

我地十月份嘅主題係大自然. 所以我所揀選嘅書都係圍繞呢個主題。有咗主題圖書閣,每星期有二至三晚臨睡前,叫寶寶選一本書,然後跟他們一起讀,養成閲讀好習慣,而該月嘅親子活動,亦可與圖書月主題有關連,令小朋友除喺書本了解到知識外,亦可以喺生活中體驗,更加有趣味性。好似我今個月書本主題係大自然,我就搵咗一個星期天,帶寶寶們去郊外遠足,一邊拾石頭,樹枝同樹葉。沿途寶寶們都會問呢種樹係咪書裏面見過呀,呢個雀又有冇喺書介紹過呀……閲讀配合體驗,佢哋印象更深。

而每個月嘅圖書架我都會放一至兩本手工或美術書,當然都係果句,選書要配合主題。好似我今次兩本 art book 就係石頭彩繪及教樹葉畫,我地拾回來嘅樹葉及石頭又大派用場。寶寶看書取靈感然後再自己創作,咁樣又申延多個活動出嚟。你哋可以睇吓照片中佢哋用樹葉創作嘅畫,係咪好得意呢!

主題圖書閣貼士:

✅ 準備一個展示型書架
✅ 切定今個月主題及諗定一個與主題圖書有關之親子活動
✅ 在屋企找或圖書館借與今個月主題有關之圖書
✅ 每星期兩之三次臨睡前親子閱讀時間,當然媽媽可以增加次數
✅ 假日進行之前已想好與主題圖書有關之親子活動
✅ 如每月轉主題太繁複,可每兩個月轉一次
✅ 寶寶媽的孩子大啲,圖書及主題可以較繁雜。細過啲嘅小朋友,可以找圖片較多的圖書,主題以可簡單些 如交通工具,食物,天氣。相關的親子活動亦要簡單。例如主題是食物,親子活動可以係去街市或超級市場,一邊跟他們認識在書本見到的食物,如此類推。

「帶著寶寶看世界」點這裡 🔗:https://sooohealthy.org/business/shirley-ma/#wall

廣告

發表迴響

%d 位部落客按了讚: